• 2023ko abenduan egindako hitzaldi-zikloak Pierre Loti eta Miguel de Unamunoren presentziari buruz hitz egin zuten Bidasoako eskualdean
• Bizikletaren Jaiak datorren udaberrian jorratuko du mugaz gaindiko bizikletaren erabilera
Irun, Hondarribia eta Hendaiako Udalek, Bidasoa-Txingudi Mugaz Gaindiko Partzuergoaren bitartez, "Hiruak Bat" laguntzen 2023/2024 deialdia ebatzi dute, mugaz gaindiko proiektuak sustatzeko, eta finantzatzeko 2 proiektu berri onartu dituzte:
- "Bizikleta mugaz gaindiko eremuan" proiektua Hendaiako Recycl 'Arte elkartearen proposamena da, Balazta Elkartearekin elkarlanean aritzen dena. 2024ko udaberrian bizikletaren festa bat antolatzean datza, 3 hirien artean bizikletaren erabilera sustatzeko hainbat jarduerarekin.
- "Pierre Loti eta Miguel de Unamuno mugan" proiektua Ateneo Guipuzcoanok Pierre Loti Elkartearekin elkarlanean egindako proposamena da. 2023aren amaieran, Pierre Lotti (1924an hil zeneko mendeurrena) eta Miguel de Unamunoren (erbesteratua izan zela gogoratuz) inguruko 3 hitzaldi antolatu ziren: abenduaren 12an, euskaraz Hondarribiko Kultur Etxean, abenduaren 13an gaztelaniaz Irungo CBA liburutegian, abenduaren 14an, osteguna, Hendaiako Mediatekan.
Laguntza-programa honek tranpolin bat izan nahi du Irun, Hondarribia edo Hendaiako pertsona eta elkarteentzat, turismoa, kultura, gizarte-ongizatea, mugikortasuna edo lurralde-integrazioa bezalako gaiak lantzen dituen mugaz gaindiko proiektu bat garatu nahi dutenentzat.
Aurreko edizioa
Aurreko edizioan 2022 eta 2023 artean egindako 3 proiektu onartu ziren.
- Bi On Be, Bidasoa-Txingudi eskualdean kirola eta jarduera fisikoa sustatzeko lankidetzazko irtenbide digitala.
- Irrati Irisgarriak, www.antxetamedia.eus webgunean, entzumen-desgaitasuna duten pertsonentzako irrati-programen transkripzio-sistema bat instalatu nahi du.
- Bidaia, banda eta abesbatzarentzako obra, euskal kulturaren ibilbidea kontatzen duena, gaztelaniaz, euskaraz eta frantsesez.
Hurrengo deialdia
2024ko ekitaldian beste edizio baterako deialdia egingo da, urtearen bigarren zatian hasi beharreko proiektu berriak diruz laguntzeko. Gehienez ere 12 hilabeteko exekuzio-epea egongo da, eta 2025eko ekitaldira arte iraun dezake.
Aurkeztu nahi diren proiektuek ezaugarri bereziak izan beharko dituzte, hala nola hiru hirien inplikazioa, euskararen, gaztelaniaren eta frantsesaren erabilera edo Irun, Hondarribia eta Hendaiako herritarren parte-hartzea, besteak beste.
Hautaketa hiru hirietako biztanleen arteko elkar ezagutzan eta trukean laguntzen duten irizpideen balorazioaren bidez egiten da, edo Bidasoaren bi aldeen arteko erakunde publiko, pribatu eta asoziatiboen arteko saretze eta lankidetzaren bidez.
Deialdia Gipuzkoako Aldizkari Ofizialean eta Bidasoa-Txingudi Mugaz Gaindiko Partzuergoaren webgune honetan argitaratuko da.