Cabecera Interior

• Irunen edo Hondarribian bizi diren eta Frantzian erretiratzeko eskubideak eskuratu dituzten eta mugaz gaindiko arazoak konpontzeko laguntza behar duten pertsonei zuzendutako zerbitzua da.

• Orain arte SAC-n ematen zen zerbitzua, hemendik aurrera Ducoureau Jauregiko bulegoetan hitzordua eskatuta izango da hilean hiru asteartetan.

 Ducourau

Bidasoa-Txingudi Mugaz Gaindiko Partzuergoak urriaren 4an ekingo dio berriro Irunen eta Hondarribian erroldatutako pertsonei zuzendutako arreta-zerbitzuari, erretiroa Frantziako pentsio-kutxekin izapidetzeko orduan dituzten mugaz gaindiko arazoak konpontzeko.

Herritarrek asko eskatzen duten zerbitzua da, pandemia iristearekin batera aldi baterako eten behar izan zena.

Pandemiaren aurreko datuen arabera, 243 eta 271 pertsona artatu ziren 2018an eta 2019an, hurrenez hurren. Horiek laguntza eskatu zuten, espedientea izapidetzen, ordainketak eta itzulketak egiten, eta beharrezko inprimaki eta ziurtagiriekin.

Arreta Ducoureau Jauregian izango da

Bidasoa-Txingudi Mugaz Gaindiko Partzuergoko taldeak Ducoureau Jauregiko instalazioetan emango du zerbitzua (Hendaia kalea 8, Irun).

Arreta-egunak hileko hiru asteartetan izango dira arratsaldez, 15:00etatik 18:00etara, udan 06/01etik 09/30era izan ezik, horiek goizez izango baitira. Edonola ere, ezinbestekoa da aldez aurretik hitzordua eskatzea (+34) 943.50.96.00 telefonora deituta.

Hitzordura bertaratzen den guztietan, ezinbestekoa izango da Frantziako estatuak esleitutako gizarte-segurantzako zenbakia, bankuko kartilla eta arazoak eta erreklamazio-prozesua identifikatzeko aukera ematen duten gutunak ekartzea.

Nolanahi ere, zerbitzu horrek ez du ordezten Frantziako erakunde ofizialen eskumena, haiek baitira espediente bakoitza izapidetzeko baldintzak zehazten dituztenak.