Abuztuaren 18, 19 eta 20ean egingo da XXII. edizioa.
Kontzertuak doan izango dira, arrats partean eta kanpoaldean.
Irungo, Hondarribiko eta Hendaiako Udalek, Bidasoa-Txingudi Mugaz-gaindiko Partzuergoaren bidez, Bidasoa Folken XXII. edizioa antolatzen dute. Abuztuaren 18, 19 eta 20ean izango da Irunen, Hendaian eta Hondarribian, hurrenez hurren. 5 kontzertu egingo dira Folkaren eta musika garaikidearen eszenan erreferentzia diren taldeekin. Alemania, Aljeria, Armenia, Maroko, Siria, Valentzia eta, nola ez, Euskal Herritik etorritako artistez gozatzeko aukera izango da.